Zamboanga City- Con un cargo vessel que ta navega desde Davao para na Manila el ya attaka el maga armao persona na vicinad del la mar del isla de Sibago anoche pasao alas dies del noche.
Ta aparece na initial investigacion que el M/V Kudos 1 ta navega desdel ciudad de davao para na Manila cargando el maga steel bar cuando ya llega sila na vicinidad del Sibago, derepente ya aparece el maga armao persona abordo na tres banca de motor y ya precura abducta con maga crew del mencionao barko. Sin embargo ya falla estos con el diila plano de abducta despues que ya puede imbisti el maga crew del M/V Kudos 1 por medio de basiar de aguanta caliente mesclao de aseite con el maga suspechao.
Como balus del maga suspechao, ya rega sila de bala con el barko que ya causa para sustene irida el dos del maga crew, pero ensigidas tambien ya puede pidi ausilyo el mismo capitan del barko si Chris Paul Maligmat con el maga otoridad si por que porsaomente ya deja canila el maga armao persona.
El maga personahes del Philippine Navy y Philippine Coast Guard quien ya repsonde na lugar del incidente, ya man escort con el mencionao barko para aqui na ciudad de Zamboanga.
photo ctto: Leizel Lacastesantos
