MAGKAHAGUGMA, GINPATAY KAG GINHABUY SA SEPARADO NGA LUGAR!

61
Calbayog, Samar – HUSTISYA ang singgitan sa subong sang himata kag mga abyan sang magkahagugma nga sanday Jade Andre Bestudio kag Roan Lamparas nga nasapwan nga wala na sang kabuhi sa separado nga lugar sa Calbayog, Samar.
Suno sa report, una nga nakit-an ang bangkay sang lalaki na si Jade, 20-anyos kag engineering student. Ini ang nasapwan sa drainage canal sa kilid sang karsada. May mga pilas sa nagkatuhay nga bahin sang lawas samtang nahigtan ang mga kamut sini.
Sa pihak nga bahin, nakit-an man ang bangkay sang iya girlfriend nga si Roan Lamparas, 23 – anyos, isa ka public school teacher kag taga – Barangay Gadgaran, Calbayog City.
Suno sa inisyal nga imbestigasyon sang kapulisan nga sadtong Hunyo 13 pasado alas 8 sang gab-i, ginsugat ni Bestudio si Lamparas sa isa ka pharmacy sakay sa motorsiklo padulong kuntani sa poluy-an sang dalaga apang wala na ang mga ini nakauli.
Sa subong padayon pa ang imbestigasyon sang mga otoridad sa nasambit nga insidente.
Facebook Comments