Davao City – Misangko sa dinunggabay ang unta paglingaw-lingaw og inom sa magkumpare.
Usa ang nadala sa Southern Philippines Medical Center (SPMC) nga giilang si John Rey De Asis Jr., 23 anyos, residente sa Km 7, Lanang Beach Club, Davao city gumikan sa mga samad dinunggaban nga nahiagoman sa kalawasan.
Sa blotter sa SPMC, pasado alas 6:00 sa sayong kagabhion nagsugod og inom ang biktima ug ang wala nganli nga kumpare sa dihang pareho nang lango nagbikil ang duha sa ilang gihisgotan sanglit lupig sa katarungan ang suspek.
Mikuha og mahait nga hinagiban ang suspek dayon duslak sa dughan ug likod sa lawas sa biktima ug human niini gilayong mi-eskapo. Daling gidala sa Southern Philippines Medical Center ang biktima.
RadyoMaN Joel Viray
Facebook Comments
