Malaybalay City miduyog sa pagselebrar sa Elderly Filipino’s month

22

Miduyog ang dakbayan sa Malaybalay sa pagselebrar sa Elderly Filipino’s Month nga gitemahan og “Mahalaga si Lolo ug Lola sa panahon ng pandemya” didto sa Barangay Violeta, Malaybalay City.

Gipangunahan ni Mayor Florencio T. Flores Jr. ang maong selebrasyon nga gitambungan sa mga Senior Citizens sa mga barangay sa Linabo, Apo Macote, Managok ug Simaya.

Gipamahayag ni Mayor Flores nga kinahanglan nga atimanon ang mga katigulangan ug dapat nga respituhon sila tungod maihap nalang ang oras nga makauban nato sila.


Gipanghingusgan usab ni Mayor Flores ang social pension nga madawat sa mga katigulangan nag edad 70 anyos pataas.

Sa milabayng bulan lang, madumduman nga napirmahan ang usa ka ordinansa nga magdugang og suporta sa balaod sa mga katigulangan nga giduso ni City Councilor Niko Aldeguer ug sa iyang mga kaubanan sa konseho.

Facebook Comments