Davao City- Arestado sa Station Drug Enforcement Unit (SDEU) sa PS1 STA ANA DCPO sa pagpanguna ni PMAJ JAKE C GOLES, Station Commander ang duha ka mga suspek diha sa pagkunsyatibo sa pagpamaligya’g illegal nga droga sa Purok 8-B, Brgy. 31-D, Davao City.
Giila ni Goles ang mga suspek nga sila Mohammed Gingone Dicaya alias “Don-Don”, 32 anyos, vendor, taga-Mintal, Davao City ug Ernie Namoc Taladua alias “Dodong”, 42 anyos, mananagat, taga- Bucana, Brgy. 76-A, Davao City.
Malampusong nadakpan ang duha human kini mapalitan og P500 shabu sa asset sa mga pulis nga nagsilbing poseur buyer.
Gibutyag ni Goles, ang duha ka dinakpan gikonsiderang mga Street Value Individual nga nalambigit na sa pagpamaligyag droga sa dakbayan.
Nasakmit usab sa mga suspek ang mga suspected shabu nga nagkantidad sa P1,500.
Kasong paglapas sa RA 9165 kun Comprehensive Dangerous Drugs Act of 2002 ang duha ka mga suspek.
RadyoMaN Aimee Guinita
Facebook Comments
