MAY TICKET NA | Taga Barotac Nuevo makapauli na halin sa pungsod Kuwait

402

Report ni: Tita Jen Palomo Debaja

Tuman nga kalipay ang nabatyagan ni GELBE TESPUER SUMAGAYSAY sang Brgy. Jalaud, Barotac Nuevo matapos ginpahibalo kahapon nga may ticket na sya pauli sa Pilipinas.

Sa madumduman nangayo sang bulig paagi sa pag comment sa programa ni Radyoman Eric Pamplona si Gelbe sa UNANG RADYO UNANG BALITA 3 ka semana na ang nagligad.

Ginpalab-ot naton sa Rescue Team sa embahada sa Kuwait ang sitwasyon ni Gelbe apang tungod sa sobra na 1,300 ang distressed OFWs sa shelter ginpakamaayo nalang ni Gelbe nga magpabilin sa Kuwaiti shelter.

Sa panaysayon ni Gelbe sang aton mapakig angutan, manug 6 palang ini ka bulan sa iya amo sa Kuwait sang gin atake sang bughat. Tungod sa kaluoy sang amo, nagpasugot ini nga papulion nalang siya sa Pilipinas kon erefund sang agency ang kabahin sang gingasto sini sa pag hire sa iya.

Nangayo siya sang bulig sa agency apang gin hambalan sang ahente nga kuhaon siya sa amo kag papahuwayon 2 ka semana antes naman ebaligya. Wala nagpasugot ang amo ni Gelbe gani imbis ehatag sa agency, gin dul ong sang amo sa FAM Shelter si Gelbe nga gina dumala sang Kuwaiti government.

Luwas nga nagapamalibad ang ahente ni Gelbe nga papulion ini, ginsilingan pa si Gelbe nga paobrahon naman sa Dubai. Ginpahog pa sang ahente si Gelbe nga indi makapauli kag epa blocklist pa gid ini sya.

Sa karon excitement ang nabatyagan ni Gelbe nga mahakos kag makarga ang iya isa ka tuig nga bata kag makaupod liwat ang iya pamilya.

Facebook Comments