Sa mensahe ni Mayor Baste, iyahang gibatikos ang ginahimo karong People’s Iniatives (PI) o ang pagpapirma sa katawhan aron ma-ameyendahan ang 1987 Constitution.
Gitambagan ni Baste ang Dabawenyos nga dili magpadala sa maong lakang. Kini ang rason nga daghang katawhan ang misuporta sa kampanya nga “Dabawenyos Are Not For Sale”.
Dugang sa alkalde nga dili magpadala sa kwarta, ug katungod sa katawhan nga protektahan ang nasud ug dili kontrolado sa pipila lang ka indibidwal ilabi kadtong anaa sa posisyon.
Samtang, gialmahan usab sa batang Duterte ang International Criminal Court (ICC) nga planong imbestigahan ang kampanya kaniadto ni kanhi Presidete Rodrigo Duterte batok war on drugs.
“Kanang ICC, timan-i ninyo, inyong amahan ra ba gipalubong sa akong amahan. Kana nalang gyud unta pero wala gyud ninyo.. Og ako, mawad-an gyud ko’g respeto ninyo. Dili napud gyud ko. Sobra naman pud gyud kaayo. Ang ginahimo ana nila pareha anang People’s Initiative nila karon, power tripping mana through the use of money and influence and power that they have because they are seated in higher the highest position,” saysay ni Baste.
RadyoMaN Kirby Manzon
