Mayor Elect Siao, nagkinahanglan ug eksperto nga opinsyon aron kahatagan siya ug giya sa pagpadagan ug insakto sa City Hospital

80
Iligan City – Nagkinahanglan karon ug eksperto nga opinyon si Mayor Elect Freddie Siao aron kahatagan siya ug giya kun unsaon nga mamahimong maayo ang pagpadagan sa City Hospital.

Gibutyag ni Siao nga usa ka dakung hagit unya sa iyang administrasyon ang pagdumala sa pampublikong tambalanan sa Iligan kun asa daghan sa mga Iliganon ang nagsalig lang niini aron sa pagpatambal sa ilang balati-an.

Matud ni Siao, kun unsa man ang nasinating problema sa maong tambalanan kinahanglang pangita-an ug solusyon aron dili na unya lisod sa katawhan ang pagpatambal.

Gipasalig ni Mayor Elect Siao nga usa ang tambalanan sa iyang hatagan ug dakung pagtagad sa iyang administrasyon aron dali lang unya sa katawhang iliganon ang pagpatambal nga dili na magkapuliki pa sa pagpangita ug kwarta aron ipalit ug tambal ingon man ibayad sa ilang mga bills.

Facebook Comments