Mayor Sara: Davao closure dili ipatuman

48
Davao City – Walay ipatuman nga closure ang City Government of Davao karon nga gipailawom ang syudad sa Coronavirus Disease 2019 (COVID-19) Alert Level 3.

Matud ni Davao City Mayor Sara Duterte-Carpio (sa interbyu sa city-owned radio), ginasunod sa lokal nga gobyerno ang guidelines sa Alert Level 3 diin gimandoan usab niini ang COVID-19 Task Force nga liberal ang implementation sa maong alert level.

Gipasabot sa mayor, kinahanglang ma-adjust ug ma-adopt sa Davaoeños ang pandemya ug ang padayon nga pagtuman sa minimum public health standards, ug labaw sa tanan ang pagpabakuna ug pagpa-booster batok COVID-19.

“Sa atong implementation sa Alert Level 3, there will be no closures. Ang emphasis is mask and distancing. We will be very liberal with the implementation because dili pwede nga sige ta’g open-close, lockdown. Kinahanglan gyud ‘ta mo-live with the virus, and that is.. sa atoang bakuna, sa atoang booster, sa atoang distancing,” sulti sa alkalde.

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments