Davao City – Nanawagan si Davao City Mayor Sara Duterte sa katawhan nga undangon ang pag-panic buying ug pagtipig ilabina sa mga perishable goods.
Nasayran nga nagpanic-buying ang mga tawo og saging ug bugas.
“We would like to remind atong mga kaigsuonang Davaoeños nga stop your panic buying because kanang gina-hoard ninyo nga mga products are perishable ang kanang saging, perishable, ang kanyang bugas possibly mag-bok-bok, perishable. Hununga na ninyo ang pag-hoard og mga food products,” segun ni Mayor.
Matud sa mayor nga nakasabot ang lokal nga gobyerno sa panginahanglanon sa matag-usa busa dili angay nga mag-hoard og mga pagkaon.
“We allow people to come out to buy food, nakasabot ta ana nga panginahanglan sa atong mga tao nga gihangyo nato to stay home. In no way ta nga muabot sa punto nga muingon ta sa mga tao nga ayaw mo’g gawas bahala’g wala namoy pagkaon sa sulod,” dugang sa alkalde.
Samtang, gipasabot sa mayor sa katawhan ang pagpailawom sa lungsod sa Community Quarantine tungod sa kadugay sa pagbalik sa test result sa mga ang mga Patient Under Investigation (PUI) ug Persons Under Monitoring (PUM) nga gilayon mahibaw-an kung positibo kini o negatibo sa COVID-19.
“Everyone must act as if kanang adunay COVID-19 nga infection diria sa atoa sa sulod kay wala pa man tay test result nga nibalik,” segun niini.
RadyoMaN Aimee Guinita
