Mga bata na paggala-gala sa Divisoria, ni-rescue ng Manila LGU at MPD

36

Nagsanib pwersa ang Moriones Tondo Police Station (MPD Station-2) at Manila Department of Social Welfare (MDSW) para makuha at mailigtas ang mga bata at nakakatanda na paggala-gala sa ilang bahagi ng Maynila.

Partikular na ikinasa ang rescue operation sa kahabaan ng CM Recto Avenue sa may bahagi ng Divisoria.

Nasa 20 indibidwal ang nasagip kung saan 8 sa kanila ay mga bata.


Nabatid na karamihan sa mga bata na nasagip ay sumisinghot ng rugby o solvent habang ang ilan naman ay mga namamalimos at paggala-gala sa Divisoria.

Ang iba sa mga bata at kabataan ay nakatakbo kung kaya’t plano ng MDSW at MPD Station-2 na balikan ang Divisoria sa mga susunod na araw.

Ang mga nasagip naman ay dinala sa Delpan Evacuation Center para sa pansamantalang pananatili habang inaalam na ang background ng mga ito.



Facebook Comments