Kalibo, Aklan- Exempted sa bag-ong traffic scheme do mga Telecommunication Company ag Akelco nga naga-ayos it mga spaghetti wires sa banwa it Kalibo.
Daya do naging kasugtanan it Sangguniang Bayan kung Kalibo bangod nga kinahang-ean nga maayos eagi do dayang mga kable.
Suno kay SB Philip Kimpo, ging pang-sita it daywang beses do mga naga-ayos it dayang mga kable bago paman nag-umpisa ro bag-o nga traffic scheme dahilan para magpondo man sanda sa andang operasyon.
Ging kasugtanan man ko SB ag Traffic Operations team nga indi lang anay sanda pagsitahon hasta nga matapos do anda nga gina ubra eabi eon makaron nga may unang traffic ordinance.
Pero ging istoryahan man nga dapat hay ubrahan nanda ro pag-ayos ko mga kable kung bukon it rush-hour agod nga indi sanda maka-apekto sa daeagan ko trapiko sa Kalibo.
Nasayuran abi nga naga gamit it mga daeagkuan nga mga saeakyan do naga kasari-sari nga kumpanya kapareho it Akelco, Pantelco, Cruztelco, PLTD, Cable television company ag pila pa ka telecommunication company sa pag-ayos it andang mga linya.
