Mga pasahero nga dili bakunado, dili makasulod sa General Santos airport

General Santos City—Dili tugutan nga makasulod sa General Santos City airport ang dili bakuna nga indibidwal kini base sa memorandum nga gipagawas sa Civil Aviation Authority.

Nakalatid sa maong memorandum nga dili pwedi musulod ang tanan nga pasahero dinhi sa dakbayan lakip sa kinatibok-an nga rehiyon 12 tungod sa bahad sa COVID-19.

Sumala nga tanan nga pasahero sa eroplano angay adunay vaccine card nga magpamatuod nga bakuna batok virus, kinahanglan usab nga magsul-ob og face mask ug musunod sa unsa man nga mga basic health protocol.

Nasayran nga permado mismo ni Joel Gavena, airport manager ang nasampit nga memorandum kini human sa padayon nga pagsaka sa kaso sa COVID-19 sa rehiyon-12 labi pa nga adunay bahad sa omicron variant nga gikaingon nga mas daling makatakod itandi sa uban nga matang sa variant sa COVID-19.
For more info’s and updates, like and share our official facebook account: www.facebook.com/ifm91.9Gensanofficial/____ #TatakRMN
#IFMAngIdolKongFM
#RMNnetworks
#ReachingMillionsNationwide
#RMNFoundation
[image: 777777777777777777777777777777777.jpg]