Mga personahe nga naglangkob sa kalampusan sa Oplan Kaluluwa 2022 Pagadian, gisaluduhan sa ta-as nga opesyal sa syudad

Pagadian City – Nisaludar ug nidayeg ang usa sa taas nga opesyal sa syudad ngadto sa mga personahe ug ahensya sa gobyerno nga naghugpong ug maoy nagplano aron hapsay nga ma-imposar ang mga polisiya sa nagkadaiyang menteryo sa dakbayan.
Sa eksklusibo nga interview sa RMN Pagadian kang Vice-Mayor Baldomero Boy Baleleng Fernandez, nipaabot sa iyang pagpasalamat ang bise-Mayor ngadto mga inbidwal nga inantigong nagpatuman sa mga patakaran sulod mga sam-ang pribado ug publiko rason nga han-ay ang paglusad sa Oplan Kaluluwa 2022.
Personal usab nga nisubay sa menteryo si Vice-Mayor Fernandez, sa tinguha nga linawas nga mapasalamatan ang nagkada-iyang representante gikan sa daghang ahensya sa kagamhanan nga duha ka adlaw’ng nagmonitor sa palibot.
Lakip nga gipasalamatan sa bise-Mayor ang RMN-DXPR Pagadian nga boluntaryong naglibot-suroy sa mga menteryo aron paghatag og taho ug pag-edukar sa publiko.
Gipasalamatan usab sa local nga kagamhanan sa Pagadian ang mga katawhan nga mikooperar sa mga gi-imposar nga balaod sulod sa menteryo ug kadalanan sa dakbayan hinungdan nga nahandum ang adlaw sa mga santos ug Kalag-kalag nga tunhay ug malinawon.
Kini ang giluwatan nga mensahe ni Sir Vic Lingateng, ang Chief of Staff sa Pagadian City Hall dihang eksklusibo nga nahinabi sa RMN Pagadian News Team didto mismo sa gimontar nga Help Desk sa kinauyukan nga bahin sa Memorial Garden sa Brgy. Santa Maria ning syudad.
Ang pagsanong sa transport sector, paspas nga aksyon sa pipila ka gagmay insidente sama sa sunog gumikan gimontar nga mga kagamitan sa otoridad ug pagsunod sa katawhan sa guidelines nagsilbing hinungdan sa kalampusan sa kalihukan.


Facebook Comments