General Santos City—Subling miangal na sab ang mga professionals sa hinay nga proseso sa Professional, Regulation, Commission (PRC).
Nasayran nga giulan ug reklamo ang maong buhatan nga nahimutang sulod sa Robinsons Mall of Gensan, sa Barangay Lagao tungod sa hinay mga sistema sa pag-atiman sa ilang mga kleyente.
Sa matag adlaw anaa lang sa 75 hangtod sa 150 ka mga professionals ang ilang ma-cater, apan ang mga nidagsa sa maong buhatan matag adlaw muabot ug kapin 300 ka mga tawo nga gikan sa managlahing lugar sa rehiyon , diin uban kanila ang mag apply alang sa Examination ug duna usay mga mag renew.
Uban nga mga professional mas gipili nga matulog nalang gawas sa Robinson’s Mall aron nga dili mapulian sa pila ug aron nga masigurong makalusod sa buhatan sa PRC.
Panawagan sa mga nahisgutan sa pamunuan sa PRC nga paspasan ang ilang sistema aron nga dili sila matanggong sa maong buhatan suldo sa tulo ngadto na sa duha ka adlaw.
