Masubo ag haeos indi mabaton it mga stalls owners sa D’Talipapa Boracay ro natabong sunog kahapon bangod sa nadueaan sanda it pangabuhian.
Base sa report it BFP Boracay (Arson) umabot sa 177 ka mga stalls ro nasunog kaibahan do limang ka baeay ag commercial building nga nakapalibot sa nasamabit nga area.
Sa embestigasyon it BFP ro sunog hay nag halin sa stall # 57 nga gina tag-iyahan ni Elizabeth Cuales nga may business name nga Flag Taste of India.
Madumduman nga ro sunog hay nag-umpisa alas-4 it aga-aga ag nagbuhay it limang oras pero ging deklara nga fire-out alas-12 eon it udtroadlaw ko BFP Boracay.
Nasayuran nga 90% it mga stalls sa sueod it D’Talipapa ro totally burned samtang tatlong stalls eang do uwa nasunog.
Samtang sa rekord man it MDRRMO, may una nga 496 ro apektadong indibidwal kung siin 216 kara hay halin sa mga naga-trabaho ag naga tag-iya it mga stall sa D Talipapa.
