South Cotabato-Padayon pa karon nga giimbistigahan sa Banga PNP ang pagpatay sa usa ka engineer kansa gidunggab patay sulod mismo sa ilang panimalay nga nahimutang sa Barangay Benitez, Banga, South Cotabato.
Giila ni Police Major Joseph Forro III, chief of police sa Banga Municipal Police Station ang biktima nga si Nidalyn Rendon, 41, residente sa maong lugar.
Sa inisyal nga imbistigasyon mukabat sa 15 ka mga samad dinunggaban ang naangkon ni Rendon kansa nadala pa sa balay tambalanan apan nakabsan gihapon sa iyang kinabuhi.
Nasayran nga nakapangayo pa ug tabang ang biktima ngadto sa iyang mga silingan kung asa nakit-an pa ang usa ka tawo nga paspas misibat gikan sa lugar.
Dako ang pagtuo ni Forro nga wala nag-inusara ang suspek nga mihimo sa krimen. Sa karon padayon pang giila sa kapulisan ang suspek ug ginasuta pa unsay motibo niini.
