Militar nakatutok sa pag-dismantle sa nahibiling npa Guerilla Front sa 10ID

228
Davao City – Gilauman sa 10th Infantry Division Philippine Army nga ma-dismantle na karong tuiga ang nahibiling sakop sa New People’s Army.

Gibutyag ni Captain Mark Anthony Tito, 10ID spokesperson, way puas ang military operation nga gilusad sa kasundaluhan batok sa nag-inusarang Weakened Guerilla Front 57 nga galihok sa boundary sa North Cotabato ug sa Bukidnon.

Ginagukod usab sa militar ang Front Secretary sa maong grupo nga si Charisse Bañez alias Nikki.

Matud ni Tito nagatubang kini’g kasong paglapas sa Republic Act (RA) 9851 o Philippine Act on Crimes against International Humanitarian Law, Genocide, and other Crimes Against Humanity) ug Attempted Murder.

Matud kang Tito anaa sa 14 nalang ang mga miyembro niini ug 13 ka armas.

“Diha gyod atong tutok kay dinhi sa Davao Region wala nay guerilla fronts nga nagbarog. Tanang Guerilla Fronts na-dismantle nato ang latest katong Weakened Guerilla Front 18 na-declare na natong dismantle. Sa tibuok 10ID aor mao nalang gyod na atong ginapaningkamutan nga dismantle pod nato ang kanang Weakened Guerilla Front 57,” matud niini.



RadyoMaN Aimee Guinita

Facebook Comments