Ginapa-eksplikar sang Presidential Communications Operations Office (PCOO) si PCOO Asec. Mocha Uson bangud sa nagagwa nga report nga padayon sa gihapon ang pagperform niya sa casino upod ang iya grupo sa pihak sang hugot nga pagdumili sa mga government officials nga magsulod sa casino.
Ginkumpirma ni PCOO Sec. Martin Andanar gina-imbestigaran na nila ang nasambit nga report nga padayon nga nagaperform si Mocha Uson kag ang grupo niya nga Mocha Girls sa Bar 360 sa Resorts World Manila.
Una diri , ginpahayag ni Presidential Spokesman Ernesto Abella sa media briefing nga dapat magsunod ang mga public officials sa polisiya sang gobyerno.
Madumduman nga nagpagwa sang Memorandum Circular no. 6 si Executive Secretary Salvador Medialdea sadtong September 2016 nga nagadumili sa mga public officials nga magsulod sa mga casino kag kon sin-o man ang magbayolar sa mandu ni Presidente Rodrigo Duterte ,mahimo ini nga mapahalin sa pwesto.
