Motibo sa pagpusil-patay sa gwardya sa Carmen padayong gisuta

35
Davao City – Padayon karong giimbestigahan sa Carmen Municipal Police Station (MPS) ang motibo sa pagpusil-patay sa usa ka gwardya sa Purok 5, Barangay Minda, Carmen, Davao del Norte alas 11:30 sa gabii niadtong Martes (September 6, 2022).

Sa report sa Carmen MPS, giila niini ang biktima nga si Glen Gamale, 37 anyos, usa ka company guard sa Tadeco, residente sa Purok 7, Hangar 1, Brgy. A.O. Floirendo, Panabo City, Davao del Norte.

Sa imbestigasyon, nagsakay sa iyang motor ang biktima sa dihang kalit na lamang siyang gipabuthan sa wala mailhing mga suspek nga dali usab nga nisibat sa wala masayring direksyon.

Nakahiagom og lima ka samad pinusilan ang biktima ug gilayong gidala sa Carmen District Hospital apan gideklarang dead on arrival.

Hustisya ang singgit karon sa pamilya pinaagi sa pagsikop sa mga nagpaluyo sa krimen.

RadyoMaN Kirby Manzon

Facebook Comments