Construction worker nga adunay pending case ug kanhi nalambigit sa droga gipusil-patay sulod sa taxi

Davao City – Bag-ohay lang nakagawas sa inn ang usa ka construction worker uban ang iyahang uyab dihang closed range kining gipusil sa makadaghang higayon sulod sa gisakyang taxi pasado alas 3:00 sa hapon sa may San Rafael Village, Brgy. 10-A ning dakbayan.

Giila sa San Pedro Police Station ang biktimang si JOEL ALKUINO LIM 57 anyos, residente sa Purok 1 Mabini Boulevard Brgy. 37-D, Davao City.

Ang biktima kinsa nakalingkod sa walang bahin sa back seat gidul-it og pusil sa wala pa mailang gun man.

Gidala pa sa gisakyang taxi ang biktima sa Davao Doctor’s Hospital apan gideklara na kining dead on arrival.

Gikumpirma sa kapulisan nga ang biktima kanhing nalambigit sa illegal drug activities ug aduna kiniy pending nga kaso sa korte.

Nilusad karon og follow up investigation sa mga awtoridad sa pagsuta sa motibo sa pagpamusil ug aron maidentipika ang maong gunman.

Samtang ang patayng sa biktima anaa sa morgue sa maong ospital.

RadyoMaN Aimee Guinita

Facebook Comments