Panabo City – Gihatagan og Honesty Award ang usa ka driver sa Panabo City human kining giuli ang cellphone nga nabilin sulod sa gipanag-iyahang pedicab ning Abril 27, 2026.
Ang maong driver giilang si Gerald Laya Rebalde, residente sa Barangay Mabunao, diin wala kini pagduha-duha sa pag-uli sa tag-iya sa maong unit.
Samtang ang maong importanteng gamit, usa ka panag-iya ni Roda Repono, ug gibutyag nga mapasalamaton kini sa driver tungod kay ang maong butang labing gikinahanglan sa iyang anak alang sa pag-eskwela.
Tungod niini, nakadawat og sertipiko sa pasidungog ug token isip pag-ila sa pagbuhat og maayong butang ang maong driver, luyo sa kalisud sa panahon ug minus nga kita sa iyang pagpamasada.
Samtang, padayong gi-awhag sa lokal nga panggamhanan ang matag indibidwal nga magpabiling matinud-anon bisan unsang kalisud ang maagian, ilabi na luyo sa krisis nga nasinati sa kasamtangan.
RadyoMan Gretchel Egut
Facebook Comments
