Dead-on-arrival sa LaviƱa General Hospital ang drayber sa usa ka motorsiklo human nga mabanggaan kini sa usa ka bus takna alas 2:20 sa hapon kagahapon didto sa National Highway, Purok-5A, Barangay Lumbo, Valencia City.
Giila ang drayber sa motorsiklo nga si Garry Damayo, 45 anyos, minyo, ug mulopyo sa Purok-10, Poblacion, Valencia City nga nagmaneho sa MC Euro nga single motor samtang gimaneho ang RTMI Kinglong Bus ni Marlou Perocho, 53 anyos, ug mulopyo sa Barangay Casisang, Malaybalay City.
Sumala sa imbestigador sa kapulisan, gadagan sa magkalahing direksiyon ang duruha sa dihang mi-overtake ang maong bus sa solid yellow line lane hinungdan nga nailog ang dalan sa maong motor nga misangpot sa maong panagbangga.
Gisuwayan pa og dala sa balay-tambalanan ang maong drayber apan gideklara na kining patay sa attending physician. Samtang gidetanar sa Valencia City Police Station ang drayber sa maong bus alang sa tokmang disposasyon.
Facebook Comments
