KALIIBO, AKLAN — Maga bisita sa isla it Boracay makaron nga adlaw rong sambilog sa cruise ship it International Cruise Line nga Celebrity Cruises.
Sakay it MS SkySea Golden Era ro may kapin 2,000 nga mga turista nga haeos kaeabanan hay mga Chinese ag 800 ka mga crew.
Ginasaligan nga maga abot ro nasambit nga cruise ship mga alas 6:00 it agahon ag maga buhay hasta it alas dos ro hapon.
Paga sueang sueangon man it ati-atihan rong mga sakay it nasambit nga cruise ship.
Makaangkon man dayon it exchange of plaque bilang parte it inagurasyon ro opisyal it nasambit nga cuise ship ag ro gobyerno local it Aklan ag Malay kamana man Department of Tourism 6.
Nasayuran nga rong Ms SkySea Golden Era rong pang waeong cruise ship nga magabisita sa Boracay makaron nga dag-on.
Samtang may una pang siyam ka mga cruise ship ro ginasaligan nga maga bisita sa isla it Boracay.
TAGS DYKR KALIBO BORACAY MS SKYSEA CELEBRITY CRUISES CHINESE
