MULTIPURPOSE TRANSPORT VEHICLE, GINTURN-OVER NA SA NAPULO (10) KA RECIPIENT BARANGAYS SA ROXAS CITY!

34
Roxas City, Capiz – Pormal na nga ginbaton sang napulo (10) ka mga recipient barangays sa Roxas City ang multipurpose transport vehicle nga ginhatag sang city government.
Kalakip sa mga nakabaton sang una nga batch sang nasambitan nga salakyan ang Barangay Lonoy, San Jose, Lanot, Adlawan, Lawaan, Punta Tabuc, Cagay, Cogon, Dayao kag Milibili.
Ang distribusyon ang ginpatigayon kadungan sang traditional flag raising ceremony kaina sang aga sang Lunes sa atubang sang Roxas City Hall. Ini ang ginpangunahan ni City Mayor Ronnie Dadivas, VM Inday Teresa Almalbis kag mga konsehal sang syudad.
Dungan sini gintugyan man ang bag-o nga Patient Transport Vehicle sa City Health Office (CHO).
Ini nga salakyan ang gintugyan agud mabuligan nga mapahapos ang ila sitwasyon kag mas mapaayo pa gid ang serbisyo labi na ang yara sa malayo nga porsyon sang syudad sa tion sang emerhensya.
by: Hervill Bonifacio | August 22, 2022
via-Ronnie Dadivas/FB
Facebook Comments