Musubra sa 18 mil ka mga benepisyaryo sa 4ps Zamboanga Peninsula lauman nga tanggalon

37

Pagadian City – Lauman mga kasama nga musubra sa 18 mil ka mga benepisyaryo gikan sa rehiyon sa Zamboanga Peninsula ang malagpot sa Pantawid Pamilyang Pilipino Program (4Ps) sa Department of Social Welfare and Development niining kasamtangan nga tuig.
Ang nahisgutan nga ihap ang base sa database sa No Eligible Dependents sa nasangpit nga kagawaran ang laumang wagtangon sa maong programa.
Gibutyag ni 4Ps Regional Program Coordinator Flordeliza Atuy, ang target nga ihap base sa kasamtangan nga datos ug pwede pa nga muubus sa gipahigayon nga validation para sa aktwal nga sitwasyon sa mga benepisyaryo.
Sumala pa niya nga nagpahigayon na ang pipila ug 4Ps graduation ceremony ang pipila ka munisipyo sa probinsya sa Zamboanga del Norte ug Zamboanga Sibugay.
Gibutyag usab niya nga magpahigayon ug susamang seremonya para sa Syudad sa Zamboanga ug sa probinsya sa Zamboanga del Sur niining kasamtangang tuig.
Panawagan usab sa DSWD sa Local Government Units ug social welfare stakeholders nga padayon nga muhatag ug mga serbisyo ug interbensyon sa mga gipalagpot nga mga benepisyaryo aron dili na kini mubalik sa mga naandang estado.

Facebook Comments