Niyanig ng lindol na may lakas na magnitude 4.7 ang bayan ng Nueva Era sa Ilocos Norte kaninang pasado alas-5:00 ng hapon.
Sa ulat ng Philippine Institute of Volcanology and Seismology (PHIVOLCS), natunton ang epicenter ng lindol sa layong 14 na kilometro sa Timog-Silangan ng Nueva Era.
May lalim lamang na isang kilometro ang pinagmulan ng pagyanig at tectonic ang dahilan.
Ayon sa PHIVOLCS, naramdaman ang intensity 4 sa Batac City,Ilocos Norte,intensity 3 sa Paoay, Ilocos Norte, Laoag City, Pasuquin, Ilocos Norte.
Intensity 2 naman ang naramdaman sa Vigan City, Ilocos Sur at intensity 1 sa Bangued, Abra.
Sabi pa ng PHIVOLCS, wala namang inaasahan pinsala at aftershock sa nangyaring lindol.
Facebook Comments
