OCD-IX, naglusad og 3rd Quarter Nationwide Simultaneous Earthquake Drill sa Pagadian City!

24
Pagadian City – Naglusad sa 3rd Quarter Nationwide Simultaneous Earthquake Drill (NSED) ang Office of Civil Defense-IX (OCD-IX) sa Executive Function Hall sa City Mayor’s Office ning syudad sa Pagadian.
Ang maong aktibidad ang gipanguluhan mismo ni OCD-IX Regional Director Ramon Ochotorena.
Kaabag sa OCD sa paglusad sa NSED ang kagamhanang lokal pinaagi sa City Disaster Risk Reduction and Management Office (CDRRMO), ug ang City Cooperative Development Office (CCDO).
Ang aktibidad mao ang unang in-person Nationwide Simultaneous Earthquake Drill sukad nagsugod pandemya niadtong 2020.
Mikabat sa 200 ka mga personahe gikan sa CDRRMO, CCDO, ug mga opisyal sa barangay nga nagikan sa mga coastal area ning syudad ang nisalmot sa maong aktibidad ug nagpahigayon sa “duck, cover and hold” procedure sa pagtingog sa sirena nga maoy sinyales sa paglinog.



Facebook Comments