OCD-XI: 5.7 magnitude nga linog sa Davao Oriental walay damyos

49
Davao City – Walay gikareport nga damyos ang 5.7 magnitude nga linog nga miigo sa Tarragona, Davao Oriental alas 4:14 sa hapon niadtong Lunes (September 12, 2022).

Sa interbyu sa DXDC RMN Davao kang Bernadro Alejandro, Civil Defense Office 1 sa Office of the Civil Defense (OCD-XI), gibutyag niini nga miigo ang linog layo sa yuta rason nga wala kini laumang epekto o damyos apan posible ang aftershocks.

“Wala man silay reported nga incident nga nahitabo kay medyo layo man pud sya (ang linog). Sa tubig man sya, sa dagat ang medyo ang center niya. Negative ang incident sa Tarragona,” sulti ni Alejandro.

Sa datus sa Department of Science and Technology (DOST) – Philippine Institute of Volcanology and Seismology (PHIVOLCS), nasinati ang pagtay-og sa musunod nga mga lugar:

Reported Intensities:
Intensity III – Tarragona, Davao Oriental
Intensity II – Davao City; Mati City, Manay and San Isidro, Davao Oriental; Don Marcelino and Malita, Davao Occidental
Intensity I – Banaybanay, Davao Oriental; Monkayo and Pantukan, Davao de Oro; Sta. Cruz and Bansalan, Davao del Sur

Instrumental Intensities:
Intensity II – Malungon, Sarangani
Intensity I – Nabunturan, Davao de Oro; Alabel, Sarangani; Koronadal City and General Santos City, South Cotabato; Davao City



Matud sa OCD-XI official, dako og kahimuan ang ginahimong regular nga earthquake drills aron mabansay ang publiko ug mahimong preparado panahon sa dili matagna nga linog.

RadyoMaN Kirby Manzon


[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments