OFW SA SAUDI NGA DUWA KA BESES GINBALIK SA AGENCY, GINDEPORT MATAPOS NADISKUBRE NGA ISA INI KA LESBIAN

2471

Report ni: Jennifer Palomo Debaja

Isa ka OFW sa Saudi nga 5 palang ka adlaw nga nag obra sa amo ang gin turn over sa agency matapos nadiskubre nga may balatyagon ini sang isa ka lalaki.

Base sa panaysayon sang amo sa agency, ginpahulam sang cellphone ang OFW agud makatawag sa iya pamilya sa Pilipinas. Apang imbis magtawag, nag Facebook ini kag nalipatan mag log out rason nga nakit-an sang amo ang iya mga litrato upod ang isa ka babaye.

Tungod may mga messages pa ang girl sa OFW, ginpa translate sa iya ang mga mensahe kalakip ang tinaga nga ” I LOVE YOU “.

Naalarma ang amo ni kabayan sang nagsugid ang asawa sini nga nagsulod sa kwarto nila ang OFW nga wala man lang nagpanuktok.

Gilayon nila nga gindul-ong sa agency si OFW matapos nadiskubre nga lesbian ini.

Tungod gusto pa makaubra sang OFW, ginpangitaan naman ini sang bag-o nga employer, apang pareho sa una nga natabu, gulpi naman nagsulod sa kwarto ang pinay nga ginkakulba naman sang amo nga babaye.

Matapos ang halos 17 palang ka oras sa bag-o nga amo, ginterminate naman si kabayan.

Gin aku naman sini nga isa siya ka lesbian kag nagsulod siya sa kwarto sang amo tungod may gusto lang ini ipamangkot.

Sa kagustuhan sang agency nga indi na maglala pa ang atubangon nga problema sang OFW, napilitan nalang sila nga edeport si kabayan.

Pagrespeto sa LGBT community, apang tungod sa iban kita nga nasyon kag bal-an man naton ang ila pagka konserbatibo gani dapat gid sundon ang ila kultura, tradisyon kag layi kon indi kita gusto mapahamak.
Photo : ©Bong Concha

Facebook Comments