Naghinangpanay ang pamilya human magkita sa waiting area sa airport tungod sa tumang kahigwaos sa pagtuo nga dili na makauling buhi si Rosalinda Caguioa gumikan kay nakasinati kini ug dili maayong kahimtang sa dihang nanarbaho isip OFW sa Saudi Arabia.
Kahinuduman nga milayas si Rosalinda sa iyang agalon tungod sa kinaiya nga dili maayo hangtud nga na-rescue sa mga otoridad sa Saudi ug giindorso dayon sa recruitment agency.
Nidangop usab dayon si Anthony Caguioa sa DXDC RMN Davao aron makapangayo ug tabang sa gidangatan sa iyang asawa kay dili usab maayo ang pagpuyo niini sa temporary shelter.
Miaksyon gilayon ang DXDC Public Service team ug giubanan ang bana sa OWWA, POEA ug Migrant Center ug gi-imbestigahan gilayon sa mga ahensya ang kaso ni Rosalinda didto sa Saudi hangtud nga naka-uli dinhi sa dakbayan sa Dabaw kagabie.
RadyoMaN Erin Lumosbog
