Davao City – Makalolooy sumala pa ang mga pobreng mga nagamaneho og sakyanan nga maoy grabeng mabug-atan sa ginapatumang oil price increase sa mga kumpanya sa lana.
Kini ang reaskyon ni Dondon, usa ka motorista nga taga Matina, Davao City sa pakighinabi sa DXDC RMN Davao human nga magpatuman na usab karong adlawa og oil price hike sa mga produktong petrolyo.
“Luoy kaayo ang mga yanong lungsuranon, kanang mga pobre tungod kay sige ra’g saka ang presyo sa petrolyo,” segun niini.
Samtang nanghinaut usab ni Wengweng nga usa ka PUJ driver nga magbaton na usab og rollback tungod kay maapektuha gayud sila oras nga adunay mahitabong pagtaas sa presyo sa petrolyo.
“Unta mabarato lang gyud kay taas na kaayo. Maapektuhan gyud kaming mga driver ani,” saysay niini.
Nasayran nga adunay P0.25 matag litro ang itaas sa presyo sa gasolina. Aduna usay P0.20 matag litro ang itaas sa presyo sa diesel. Samtang P0.10 sa matag litro ang itaas sa kerosene.
Epektibo alas-6 karong buntag, Abril 9, 2019 ang oil price increase sa mga produktong petrolyo subay sa anunsyo sa mga kumpanya sa lana.
RadyoMaN Kirby Manzon
