Laing operasyon na usab sa mga kapulisan batok sa mga ginalakag sa balaod ang nagmalampuson human nga nadakpan ang usa ka lalaking laborer sa kasong Homicide pasado alas 5:10 sa hapon kagahapon didto sa Purok-6, Sitio Cogon, Barangay Magsaysay, Malaybalay City, Bukidnon.
Giila ang suspek nga si Bryan Fantonial, 30 anyos, ulitawo, laborer, ug residente sa naasoy nga lugar.
Nasikop ang maong laborer pinaagi sa gahom sa warrant of arrest sa kasong Homicide nakadokit ilawom sa criminal case no. 21414-10 pinitsahan Pebrero 6, 2012 ug adunay girekomendang piyansa nga P40,000 alang sa temporaryong kagawasan.
Gikustodiya na karon sa Lantapan Municipal Police Station ang suspek alang sa tokmang disposasyon.
Facebook Comments
