Oplan Baklas vs campaign posters gipadayon sa Comelec

Zamboanga del Sur – Nagpadayon ang Operation Baklas nga gihimo sa Commission on Elections ( Comelec) ug uban pang ahensya sa gobyerno.
Ang mga ahensya nga naglangkob sa Operation Baklas mao ang Department of Public Works and Highways, Bureau of Fire, Department of Environment and Natural Resources, ug Philippine National Police.
Dinhi sa probinsya sa Zamboanga del Sur walay hunong sa pagpanangtang og mga campaign posters nga gipanglansang sa mga punoan sa kahoy aron masiguro nga walay makitang mga campaign posters nga gipatapot sa dili insaktong dapit sa kadalanan Aurora, Labangan, Molave ug Ramon Magsaysay.
Dili usab tino kun duna bay pasakaan og kaso sa ilang gipahigayon nga operasyon tungod kay ang ilang tuyo mao ang paglimpyo gikan sa malapason nga poster apan warning kini ngadto sa tanang politiko.
Angay sayran nga ang pagpatapot sa campaign posters sa gibawal nga lugar kalapasan sa R.A. 3571 ug P.D. 953 nga dunay silot sa pagkapriso ug multa.
Ug ang pagpatapot sa kahoy klarong pagsupak sa R.A. 9003 or the Ecological Solid Waste Management Act of 2000.


Facebook Comments