Davao City – Nakabenepisyo ang mga miyembro sa TODA sa Sta. Ana human makadawat og ayuda pinaagi sa TUPAD program sa DOLE–Davao City Field Office, ubos sa Oplan Hapsay sa Police Station 1.
Ang programa gilunsad ni PMAJ Richeen M. Lagnayo, Station Commander, diin gipahigayon ang orientation ug contract signing alang sa mga drayber sa pedicab, e-bike, ug sikad nga napiling benepisyaryo.
Tumong sa kalihukan nga masabtan sa mga partisipante ang TUPAD program, lakip ang ilang responsibilidad ug mga benepisyo, samtang gihatagan sila og temporaryong trabaho ug pinansyal nga tabang.
Dako kini’g tabang sa mga drayber sa komunidad, ug nagpasalamat ang kapulisan sa DOLE sa padayon nga suporta alang sa panginabuhi sa katawhan.
RadyoMaN Kareen Beltran
Facebook Comments
