Davao City – Gibug-atan ra sa ilang bulsa ug dugang hasol sa ilang ginikanan ang pipila ka mga college students sa Davao City atol sa gidusong P10 nga dugang pletihan sa Public Utility Jeepneys (PUJ), subay sa pagpanguna sa maong hisgutanan sa grupong PISTON.
Sa interview sa DXDC Team gahapong adlawa, Abril 21, 2026, kang Analiza Bilbao ug Andrei Orbiso, nga pawang graduating students sa kursong Communication sa dakbayan, makatabang sa mga driver ang P10 nga dugang sa pletihan, apan kon alang sa commuter, dako ra kini ug makaapekto sa ilang allowance.
Dugang ni Andrei, masabtan nga nisaka kini tungod sa taas nga presyo sa gasolina, apan magpabilin gihapon kini nga dakong hagit sa daghang biyahero, ilabi na alang kanila nga nagasalig pa sa ilang ginikanan.
RadyoMaN Gretchel Egut
Facebook Comments
