P600-K inisyal nga damyos sa sunog sa Brgy. 39-D

43
Davao City – Padayon pang giinbestigahan sa kabomberohan ang hinungdan sa nahitabong sunog sa usa ka establisemento sa Barangay 39-D sa Quimpo Boulevard atbang sa Almendras gym, Davao City kagahapong adlawa (Marso 30,2022)

Sa interbyu sa DXDC RMN Davao kang Senior Fire (SFO) 2 Tereso Oyzon, fire investigator sa Bangoy Fire Station, gibutyag niini nga nagsugod ang sunog alas 6:56 sa gabii sa commercial building nga gipanag-iyahan ni Alma Sorongon nga adunay walo ka occupants.

Sa inisyal nga assessment, ginabana-banaang anaa sa P600,000 ang damyos tungod usab sa mga nasunog nga stock likod sa establisemento.

Na-undercontrol ang sunog alas 7:25 ug na-fireout alas 8:02 sa gabii, diin wala usay natalang samaran.

Pahinumdom sa fire officer, kinahanglang nakapalong ang plangka una biyaan ilabina na ang commercial building, diin tan-awon karon kung kini ang hinungdan sa maong insidente.

“Ang reminder lang nato ana. Syempre kung mugawas ‘ta labi na sa mga commercial building kay dili man ‘ta diha nagatulog. Before (‘ta mugawas), i-shut off gyud nato atong plangka, (ang) main nato,” pahinumdom ni Oyzon.



RadyoMaN Kirby Manzon

Facebook Comments