P86-k shabu nasakmit sa PDEA XI-NBI SEMRO XI buy-bust operation

Davao City – Arestado sa gilusad nga joint drug buy-bust operation sa Regional Special Enforcement Team sa Philippine Drug Enforcement Agency Regional Office XI ug National Bureau of Investigation SEMRO XI, ang usa ka drug pusher sa Roseville Subdivision, Barangay Angliongto, Lanang, Davao City.

Giila sa PDEA XI ang suspek nga si Alyster Pagaduan alias “Kid”, 34 anyos .

Giposasan gilayon ang suspetsado human kini mapalitan sa asset sa PDEA nga nagsilbing poseur buyer og usa ka gramo sa shabu sa kantidad nga P6,000. Nakuha usab sa dinakpan ang laing usa pa ka 5 gramos nga dakong sachet sa shabu nga mikantidad sa P80,000.

Kasong paglapas sa Republic Act 9165 o Comprehensive Dangerous Drugs Act of 2002 ang ipasakang kaso batok sa suspek kinsa gikustodiya karon sa Detention Facility sa PDEA XI.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments