Para sa house prosecution team, bigo na naman ang defense team ni Vice President Sara Duterte na gibain ang kanilang huling testigo sa impeachment trial na si Forensic Financial Analyst Atty. Alexander Cabrera.
Ayon kay impeachment adviser and trial spokesperson Ace Barbers, hindi man lang naalog ng cross examination ng defense lawyer ang testimonya ni Cabrera patungkol sa hindi maipaliwanag na yaman ni VP Sara.
Batay sa testimonya ni Cabrera ay umaabot sa ₱817.87 million ang kayamanan ni VP Sara at mister na si Atty. Manases Carpio ang hindi idineklara sa kanyang Statement of Assets, Liabilities and Networth o SALN mula 2022 hanggang 2025.
Ang nabanggit na halaga ay batay sa mga bank balances, insurance, investments, business interests at tax records ng mag-asawang Duterte-Carpio na ipinrisenta sa impeachment trial.
