P9.5M sang illegal drugs ginguba sang PDEA 11 kag 12.

12

Nagalab-ot sa 970.8 grams sang shabu, 24.1 kilograms sang dried marijuana leaves, 202 tablets sang phenobarbitals kag 227 ampoules sang nagkalain-lain nga expired meds nga ginturn-over sang mga RTCs kag pharmacies sa duha ka rehiyon.
Nagakantidad naman sa P9.5 million pesos ang mga ginpangguba nga illegal drugs paagi sa thermal facility.
Ang nasambit nga tikang sang ahensya ang bilang sabat sa panawagan ni Presidente Rodrigo Duterte nga gub-on ang mga nakumpiskar nga illegal drugs kag kontrabando samas madasig nga panahon base naman sa guidelines nga nabalhag sa Section 21, Article II sang RA 9165.
Ginpangunahan mismo ni PDEA 12 Regional Director Naravy Duquiatan kag PDEA 11 regional director Antonio Rivera ang pagguba sang mga dangerous drugs kag expired medicines sang Oktubre 15 sa crematorium sang Monte Cielo Eternal Gardens, Brgy. Mabuhay, General Santos City.
Nangin testigo naman sa nasambit nga aktibidad ang pipila ka lokal opisyal, Atty. Carolyn L. Tanud-Tanud, OIC-PAO, Media Representative; Civil Society Group representative, DOJ representative kag iban pa nga government agencies.

Facebook Comments