Pagadian City – Nidugok ang bagang duot sa bisita dihang gipasiga ang dekorasyon nga pang-Pasko sa syudad sa Pagadian kagabii diin mosubra sa 150,000 ka LED lights sa dekolor nga Christmas lights ang giplastada sa Plaza Luz.
Ang higanteng Christmas tree nga gipabarog sa Plaza Luz nga gipalibutan og mga nagkada-iyang desinyo.
Dunay habog nga Christmas tree ug sa tiilan niini nasaksihan usab ang niki-ay nga dancing fountain nga gihugupan sa manan-away.
Naging atraksyon ang fireworks display diin bisan gihulga sa pag-ulan nidagsa gihapon ang residente nga nagpunay og kuhag hulagway sa nahisgutan nga atraksyon.
Dili lamang Pagadianon, lakip usab ang mga residente nga gikan sa silingan nga munisipyo ang ang nisaksi sa selebrasyon sa pag-abli sa Paskuhan 2019.
Nagla-om ang kagamhanang lokal nga pinaagi sa pagbisita sa syudad makahatag kini og dugang pag-laom ilabina sa mga nasinati nga problema.
Nasaksihan usab sa katawhan ang salida diin gipakita ang resulta sa unang 100 ka-adlaw sa pagpangalagad ni Pagadian City Mayor Sammy Co.
Molungtad ang Christmas display sa dakbyan hangtud pagsa-ulog sa pasalamta festival karong Enero 2020.
