Nagtikang an duha ka semana nga selebrasyon ipinaagi han float parade ngan ine in nagtapos ha pagpaisan-isan kakulop han 16 nga mga contingents an ha festival dance presentation kun diin ginpakita han magkalainlain nga kultura mga bungto ha Northern Samar.
Grand champion an Tribu Kadayao han Pambujan Northern Samar nga may premyo nga P300,000, second place naman an Lope de Vega nga may P200,000 nga cash prize, ngan ika-tulo an San Roque nga mag uuli hin P100,000. P50,000 naman an consolation prize han mga waray nagdaog.
Mahitungod hine, naglalaum ni Northern Samar Governor Edwin Ongchuan nga ipinaagi han Ibabao Festival in mas umuswag an turismo ngan maipakilala an kahusay han bug-os nga Northern Samar ha Pilipinas.
“This is the first Ibabao Festival at meron pang second, third and so on. Expect more things and more exciting to come especially on the 60th Founding Anniversary,” siring ni Governor Ongchuan.
Dugang pa han gobernador, an Ibabao Festival in nagin pamaagi gihapon agud makaaghat hin kadugangan nga mga investors ha lugar ipinaagi ha gin buhat nga business conference kun diin ine in gin atinderan hin mga local nga national businessmen ha Pilipinas.
Ipinaagi han mao nga aktibidad, nagkaada hin higayon an kada bungto nga maipakilala an ira iba-iba nga local products sugad man an mga ginpaparayaw nga tourist destinations han probinsya ha mga possible investors.
“Napakalaking bagay ng kanilang presence dito kasi nai-promote namin ang aming probinsya at nabigyan kami ng good practices nila,” dugang pa.
Dara hine, padayon nga ginaaghat ni Ongchuan an iba pa nga negosyante ngan turista nga bisitahon an Northern Samar.
“Wala na po kaming insurgency problem dito, nagsisipasukan na ang mga investors sana makita niyo na napakamura pa ng properties didto compared sa ibang lugar sa rehiyon. We are promoting our province for the people outside to have a second look at Northern Samar”.
