Pagbalik sa f2f Indak-Indak nagmalampuson

35
Davao City – Luyo sa Coronavirus Disease 2019, nagmalampuson ang Indak-Indak sa Kadayawan niadtong Sabado (Agosto 20, 2022) kabahin sa 37th Kadayawan sa Davao.

Matud ni Harold Quibete, Indak-Indak sa Kadayawan Organize, mas nalabwan pa karon nga tuig ang iyang expectation sa Indak-Indak competition kung itandi sa nakalabay nga face-to-face Kadayawan.

“Based on what I have observed, okay na man sya. If I’m going to rate it, it’s a lot that better than what we have in 2019. Mas pressure sya sa akoa kung unsaon nato pagtupong ang 2022 nga Indak-Indak,” sulti ni Quibete.

Nagpasalamat usab si Quibete sa suporta sa City Government of Davao sa pinaagi ni Mayor Sebastian “Baste” Duterte.

Sa kompetisyon, subling nakuha sa Sindac Anib Performing Ensemble- Bislig Surigao Del Sur ang kampeonato alang sa Open Category. Samtang, grand winner usab ang Bernardo D. Carpio National High School – Performing Ensemble alang sa Davao City School-Based Category nga niuli og tag P1 milyon.

RadyoMaN Kirby Manzon

Facebook Comments