General Santos City—Gikondina ni Isulan, Sultan Kudarat Mayor Marites Palasigue ang pagbusikad sa bomba sa ilang lugar alas 8:00 pasado ang takna kagabie dungan sa ilang selebrasyon sa Hamungaya Festival. Sumala sa mayor nga ilang gikakugang ang maong insidenti.
Subay sa report bukabat sa 35 ka mga biktima ang samdan samtang duha ang kompirmadong patay.
Nasayran nga duha ka mga lalaki ang suspek sa maong krimen kansa gisuwayan matud pa ug tunol sa militar usaka bag nga sumala pa prutas apan wala matud pa kini gidawat sa mga sundalo didto na midagan ang suspek ug gibilin ang bitbit nga bag ilawom sa usa ka motorsiklo.
Gidukod pa sa duha ka sundalo ang suspek apan kalit nga mibusikad ang explosibo nga gikasamad sa duha ka sundalo ug lain pang mga biktima.
Padulong matud pa sa dereksyon sa tacurong City ang duha ka mga suspetsadong nakamotorsiklo.
Sa kasamtangan gimando na ni Mayor Palasigue ngadto sa kapulisan ug militar nga pakusgan pa nila ang ilang pagbantay sa seguridad. nasayran nga hangtod pa petsa 30 ang selebrasyon sa hamungaya Festival.
Samtang hangyo sa mayor sa katawhan nga tabangan ang kapulisan sa pagbantay sa seguridad pinaagi sa pagsumbong kung dunay kadudahang butang o personalidad nga ilang makit-an.
Samtang nagpadayon sa karon ang manhunt operation sa awtoridad kalabutan sa insidenti.
(Photo Credit to: Peter Evangelista)
