Nakahanda si Vice President Sara Duterte na humarap sa impeachment trial ng Senate Impeachment Court kung kinakailangan.
Gayunman, kahit handa humarap ang bise presidente kung kakailanganin, sinabi ni Atty. Michael Poa, tagapagsalita ng defense team, na hindi niya lang masasabi kung kailan ito.
Mayroon naman aniyang constant communication ang Defense Team kay VP Sara at katunayan ina-update niya rin ito sa nangyaring pre-trial conference.
Natapos na ang unang araw ng pre-trial conference kung saan inilatag ang mga ebidensya at testigong ipiprisinta sa July 6 na proper trial.
Naging maayos naman ang proseo ng pre-trial brief ng defense at prosecution at sa Lunes ay ipagpapatuloy ang pre-trial para sa marking of evidence sa mga natitira pang articles of impeachment.
