LIBRENG SAFETY AT LABOR STANDARDS TRAINING, BINUKAS SA MGA NEGOSYANTE SA LINGAYEN

Nag-aalok ng libreng pagsasanay para sa mga micro-business owners sa Lingayen ang Department of Labor and Employment (DOLE) Regional Office I, katuwang ang lokal na pamahalaan sa pamamagitan ng Public Employment Service Office (PESO), bilang bahagi ng pagpapatupad ng mas mahigpit na workplace safety at labor standards.

Isasagawa sa Mayo 14, 2026 ang Technical Advisory Visit (TAV) Orientation at Free Safety Officer 1 (SO1) Training na naglalayong ihanda ang mga kalahok sa tamang implementasyon ng occupational safety sa kani-kanilang mga establisyemento.

Sa ilalim ng programa, maaaring maging certified Safety Officer 1 ang mga dadalo, isang requirement na may kaugnayan sa pagpapatupad ng ligtas na kondisyon sa trabaho at pagsunod sa umiiral na labor regulations.

Ayon sa mga otoridad, bukas ang training sa mga kwalipikadong micro-business establishments sa Lingayen, at inaasahang makatutulong ito sa mas mahigpit na pagpapatupad ng batas paggawa sa antas ng maliliit na negosyo.

Layunin ng programa na itaas ang kaalaman ng mga employer sa labor standards at workplace safety, kasabay ng pagpapalakas ng compliance sa mga umiiral na regulasyon sa paggawa. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣