General Santos City–Padayon pang giimbestigahan sa kapulisan particular na sa Police Station 4 kalabutan sa nahitabo nga motornapping sa ilang area of responsibility kung asa gikawat sa wala mailhing suspek ang motorsiklo sa usa ka estudyante nga si John Emmanuel Pinongcos , 17 anyos, nanimuyo sa Waling-Waling Street, Nunez Subd. Brgy San Isidro Ning Syudad.
Kahibaloan nga pasado alas 8:00 ang takna sa gabie niadtong miaging adlaw gi-park matud pa sa estudyante ang iyang motorsiklo nga XRM-125 color yellow dunay plakang numero 6728-MN sa usa ka internet cafƩ nga anaa nahimutang sa Purok Malakas samtang duna kini gihimo sulod sa maong internet cafƩ dihang pagawas na ang nasampit nga estudyante nakurat na lamang kini kay nawagtang na ang iyang motorsiklo ug gilayon kining mipatala sa kapulisan kalabutan sa panghitabo
Naglaum na lamang ang biktima nga mahiuli kaniya ang motorsiklo ug madakpan ang responsableng mikawat aron dili na makabiktima pa sa ubang mga tawo. (Reynald Timario)
