Davao del Norte – Nagpahayag og suporta si Senador Francis “Chiz” Escudero sa plano sa Province of Davao del Norte nga magpalit og kaugalingong suplay sa diesel aron masiguro ang igo ug lig-on nga suplay sa probinsya.
Matud ni Escudero, ang maong inisyatiba ni Governor Edwin Jubahib usa ka maayong lakang aron kayang atubangon ang pagsaka ug pag-usab-usab sa presyo sa krudo sa kalibutan. Gidugang niya nga ang lokal nga panggamhanan angay hatagan og gahum sa pagpangita og solusyon alang sa kaayohan sa katawhan.
Bisan pa niini, giingon sa senador nga ang plano kinahanglan klaro ug mosunod sa balaod. Importante usab nga para kini sa kaayohan sa publiko.
Samtang, matud ni Gov. Jubahib nga padayon pa nilang gipangita ang posibleng suplay sa diesel ug paagi sa pagpondo, uban sa tabang sa Development Bank of the Philippines. Gisiguro niya nga ang tanang transaksyon mosunod sa balaod ug bantayan sa mga ahensya sama sa Department of Energy.
RadyoMaN Kareen Beltran
Facebook Comments
