Pagsaka sa kaso sa Dengue sa Bukidnon, alarming na; tulo namatay

35
Alarming na ang pagsaka sa kaso sa dengue sa Probinsya sa Bukidnon.

Sa interview sa RMN ngadto kang Gabriel Jay Pagote, ang Provincial Dengue Coordinator sa Provincial Health Office kon PHO-Bukidnon, gibutyag niini nga padayon nga nisaka ang kaso sa dengue sa lalawigan.

Matud ni Pagote nga sa karon nakatala na ug 1,193 ka kaso sa dengue as of June 13 ning tuiga , 300% nga taas kung ikumpara sa 274 ka kaso sa susamang panahon sa nakalabay nga tuig.

Sigun ni Pagote nga 3 tulo ka suspected dengue death nga natala sa Bukidnon kumpara sa 2 ka casualty sa susamang panahon niagong tuig.

Kasagaran usab sa kaso mild lang ug dili severe.

Dugang niya nga pinakataas nga edad sa nataptan sa dengue karong tuiga anaa sa 5 hangtod 9 anyos ug 10 hangtod 14 anyos, bisan pa man, aduna pa gihapoy mga hamtong ang mga natakbuyan.



Gipahayag pa sa PHO nga niadtong Pebrero 2022 nagpagawas na sila ug memorandum ngadto sa mga kalungsuran ug siyudad nga pahugtan ang mga lakang aron malikayan ang dengue.

Facebook Comments