Davao City – Generally peaceful ug walay natala nga insidente sa gipahigayong Parada Dabawenyo kagahapong adlawa, March 16, 2025 atol sa selebrasyon sa 88th Araw Ng Dabaw, subay sa gihimong assessment ug monitoring sa Davao City Police Office (DCPO).
Sa interbyu sa DXDC RMN Davao kang Police Captain Hazel Caballero Tuazon, Spokesperson sa DCPO gibutyag niini, walay mga dagkong panghitabo atol sa maong selebrasyon.
Mapasalamaton si Tuazon sa mga Dabaweños nga misunod sa mga palisiya kun guidelines nga gipatuman sa kapulisan ug nagpasalamat usab ang opisyal sa kapulisan sa pagbantay, ingon man sa kooperasyon sa katawhan, hinungdan nahimong hapsay ug malinawon ang maong aktibidad.
Kahinumduman, anaa sa 20K ka mga partisipante ug 20,000 – 30,000 ang estimated crowd atol sa Parada Dabawenyo sa Araw ng Dabaw 2025.
RadyoMaN Don Pulayao
Facebook Comments
